१६ पुस, काठमाण्डौ । संयुक्त राष्ट्रसंघीय राजनीतिक मिसन अनमिन प्रमुख करिन ल्याण्डग्रेनले एकीकृत नेकपा माओवादी उपाध्यक्ष डा. बाबुराम भट्टराईसंग भेटवार्ता गर्नुभएको छ ।
अनमिनको म्याद थप गर्ने विषयमा माओवादीको धारणा बुझ्न करिनले शान्तिनगरस्थित भट्टराई निवासमा डा. भट्टराईसंग भेटवार्ता गर्नुभएको हो ।
सो अबसरमा भट्टराईले सेना समायोजन र शान्तिप्रक्रिया पुरा नभएसम्म अनमिनको उपस्थिति जरूरी रहेको बताउनु भयो । विगतदेखि नै ६-६ महिना बढाउंदै आएको हुनाले अहिले पनि ६ महिना नै बढाउंदा उपयुक्त हुने भट्टराईको धारणा थियो । सरकारले म्याद ६ महिना थप्ने निर्णय गरेमा आफुहरु सकारात्मक नै रहेको ल्यानग्रेनले उपाध्यक्ष भट्टराईसंग उक्त भेटमा बताउनु भएको छ ।
सो अबसरमा शान्ति प्रकृया तथा समसामयीक राजनीति परिस्थीतिका बिषयमा पनि छलफल भएको थियो ।
